Azərbaycan News Agency

İsrailin müdafiə naziri İsrael Kats bəyan edib ki, İsrailə zərər verməyə çalışan heç bir qüvvəyə icazə verilməyəcək.

Kats açıqlamasında deyib: “İsrail hər bir təhdidə və düşmənə qarşı öz gücü ilə özünü müdafiə edə bilməlidir. Bu keçmişdə bir çox çətinliklərə baxmayaraq doğru idi və gələcəkdə də belə olacaq. Əgər husilər bizə atəş açmağa davam etsələr, İsraildən ağır zərbələr alacaqlar. İsrail Müdafiə Qüvvələri (IDF) hər bir tapşırıq üçün hazırdır. Mən İran rəhbərliyini də xəbərdar edirəm: siz husiləri maliyyələşdirən, silahlandıran və istiqamətləndirənsiniz. Vəkalət müharibəsi dövrü başa çatdı və şər oxu çökdü. Birbaşa məsuliyyət daşıyırsınız. Beyrutda Hizbullaha, Qəzzada İslam Hərəkatına, Dəməşqdə Əsədə və Yəməndə husilərə nə etmişiksə, Tehranda sizə də eynisini edərik. İsrailə zərər verməyə çalışan heç bir ünsura icazə verməyəcəyik – bizə zərər verənlər sərt cavab alacaq.”