Azərbaycan News Agency

Ukrayna Prezidenti Volodimir Zelenski Türkiyə Respublikasının Prezidenti Rəcəb Tayyib Ərdoğan ilə İran ətrafındakı vəziyyəti müzakirə etdiklərini bildirib.

Zelenski deyib: “Müharibənin yayılmasının qarşısını almaq və insanların həyatını qorumaq üçün təcrübəmizi bölüşməyə hazırıq, lakin eyni zamanda Ukrayna öz hava müdafiəsini gücləndirməlidir və tərəfdaşlarımızdan uyğun dəstək gözləyirik.”

Zelenski bildirib ki, Ərdoğan Türkiyənin növbəti danışıqlar mərhələsinə üçtərəfli formatda ev sahibliyi etməyə hazır olduğunu qeyd edib. O, bu təşəbbüsü yüksək qiymətləndirdiklərini və nəticə verəcəyinə ümid etdiklərini vurğulayaraq əlavə edib:

“Ukraynanın suverenliyi və ərazi bütövlüyünə göstərdiyi dəstəyə, İstəklilər Koalisiyası çərçivəsində dəniz təhlükəsizliyinin təmin edilməsində rol oynamağa hazır olduğuna və Ukraynanın enerji sektoruna dair gələcək qərarlarına görə Prezident Ərdoğana təşəkkür edirəm.”