Azərbaycan News Agency

Avropa Şurasının Prezidenti Antonio Kosta Rumıniya xalqına dəstək mesajı ünvanlayıb.

Hücuma məruz qalan bölgədəki vəziyyətə toxunan Kosta bildirib: “Qalați şəhərində rus pilotsuz uçuş aparatının yaşayış binasına düşməsi və mülki şəxslərin yaralanmasından sonra Rumıniya ilə tam həmrəylik və dəstəyimi ifadə edirəm.”

Beynəlxalq hüquq pozuntularına diqqət çəkən Kosta deyib: “Rusiyanın Aİ ərazisindəki eskalasiyası düşüncəsiz və məsuliyyətsizdir. Rumıniyanın milli hava məkanının və beynəlxalq hüququn bu pozuntusunu ən sərt şəkildə qınayıram.”

İttifaq daxilində ortaq mövqe və atılacaq addımlardan danışan Kosta qeyd edib: “Aİ, xüsusilə şərq sərhədimiz boyunca Rusiyaya qarşı sanksiyalar vasitəsilə təzyiqi artırmaq və müdafiə imkanlarını gücləndirmək məsələsində vahid mövqedədir.”