Azərbaycan News Agency

Avropa İttifaqının Bərabərlik, Hazırlıq və Böhranların İdarə Edilməsi üzrə komissarı Hadja Lahbib daşqınların yolları istifadəyə yararsız hala saldığını, kəndləri bir-birindən ayırdığını və ailələrin itkin düşmüş yaxınlarını axtardığını bildirib. Lahbib, “Yollar su altında qalıb. Kəndlərlə əlaqə kəsilib. Ailələr itkin düşmüş yaxınlarını axtarırlar”, - deyib.

Lahbib daşqınların əvvəlki fəlakətlərdən sonra yenidən bərpa olunmağa çalışan icmalara ağır zərbə vurduğunu bildirərək, “Nepaldakı qəfil daşqınlar keçmiş fəlakətlərdən sonra bərpa olunmağa çalışan icmaları sarsıtdı. Aİ onların yanındadır”, - deyib.

Ayrılan 1 milyon avroluq dəstəyin təcili səhiyyə xidmətləri, ərzaq, su və sığınacaq ehtiyaclarının qarşılanmasına sərf ediləcəyi bildirilib.