Azərbaycan News Agency

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Əl-Tani İranın paytaxtı Tehranda İran İslam Şurası Məclisinin sədri Məhəmməd Baqir Qalibaf ilə görüşüb.

Qətər Xarici İşlər Nazirliyinin açıqlamasına görə, görüşdə regiondakı proseslər, gərginliyin azaldılması və dialoqun yenidən başlanması üçün münasib şəraitin yaradılması istiqamətində səylər müzakirə olunub.

Əl-Tani diplomatik prosesin yenidən başladılmasının vacibliyini vurğulayaraq, regiondakı fikir ayrılıqlarının aradan qaldırılması və daha çox gərginliyin qarşısının alınması üçün dialoqun ən yaxşı yol olduğunu bildirib.