Azərbaycan News Agency

Avropa Komissiyasının Bərabərlik, Hazırlıq və Böhranların İdarə Edilməsi üzrə komissarı Hadja Lahbib Mozambikə göstərilən yardımlarla bağlı açıqlama verib.

Daşqınların yaratdığı humanitar böhrana diqqət çəkən Lahbib bildirib: “Hazırda Mozambiki təsir altına alan dağıdıcı daşqınlar humanitar fövqəladə vəziyyətə səbəb olub. Təqdim edilmiş yardımlara əlavə olaraq, Avropa İttifaqı sahədə humanitar əməliyyatların dəstəklənməsi üçün daha 2 milyon avro ayırır”.

Aİ-nin Mozambik xalqı ilə həmrəy olduğunu vurğulayan Lahbib sözlərini belə tamamlayıb: “Mozambik bu böhranla təkbaşına mübarizə aparmır, Avropa İttifaqı sizin yanınızdadır”.