Azərbaycan News Agency

Avropa İttifaqının (Aİ) Hazırlıq və Böhranların İdarə Edilməsi üzrə komissarı Hadja Lahbib Cənubi Sudanda xüsusilə qadınlar və qız uşaqlarının məruz qaldığı hüquq pozuntuları barədə xəbərdarlıq edib.

Bölgədə məcburi köçkünlüyün miqyasını vurğulayan Lahbib bildirib: "Cənubi Sudanda zorakılıq artır və qadınlar ilə qız uşaqları yenə ən yüksək bədəli ödəyir: Hər saat 104 nəfər evlərini tərk etmək məcburiyyətində qalır."

Cinsə əsaslanan zorakılığın geniş yayılmasına diqqət çəkən Lahbib deyib: "Hər 3 qadından 2-si cinsə əsaslanan zorakılığa məruz qalır. Qadınların və qız uşaqlarının qorunması hər zaman və hər yerdə prioritet olmalıdır."