Azərbaycan News Agency

Aİ Komissiyasının sədri Ursula von der Leyen Rusiyanın diplomatik ritorikası ilə sahədəki hərəkətləri arasındakı ziddiyyətə diqqət çəkib.

Rusiyanın əvvəlki mövqeyinə toxunan Leyen deyib: “Pravoslav Pasxası üçün Rusiya atəşkəs təklif etdi. Lakin Ukraynaya qarşı amansız hücumlarını intensivləşdirdi; təklif etdikləri atəşkəsin demək olar ki, 8 min pozuntusu baş verdi”.

Mövcud vəziyyətlə bağlı tənqidlərini davam etdirən Leyen bildirib: “İndi isə Qırmızı Meydan şənlikləri üçün fasiləni təmin etmək məqsədilə atəşkəs təklif edirlər. Bu gün Ukraynaya edilən hava hücumları Rusiyanın atəşkəs və ya sülh barədə danışarkən ciddi olmadığını bir daha göstərir”.

Sülhün təmin olunması üçün zəruri şərtləri vurğulayan Leyen deyib: “İnsan əzabını dayandırmağın və mənalı sülh danışıqları üçün imkan yaratmağın yeganə yolu öldürməyi dərhal dayandırmaq və uzunmüddətli atəşkəs barədə razılaşmaqdır”.