Azərbaycan News Agency

Fransa Prezidenti Emmanuel Makron Avropa Günü münasibətilə yayımladığı mesajda Avropanın müharibələr və böhranlar nəticəsində formalaşmış ortaq bir irs olduğunu bildirib. Makron qeyd edib ki, Avropa İttifaqı pandemiyadan iqtisadi dalğalanmalara və Ukraynadakı müharibəyə qədər bir çox sınaqları həmrəylik içində qarşılayıb.

Emmanuel Makron Avropa Günü münasibətilə etdiyi açıqlamada Avropanın tarixi olaraq müharibə və dağıntılardan sonra yenidən qurulmuş ortaq dəyərlər toplusu olduğunu vurğulayıb.

Makron bildirib ki, Avropa millətçiliyin və müharibənin taleyin qaçılmaz hissəsi olmadığına inananların mübarizəsi ilə formalaşıb və qitə böhran anlarında sürətli, güclü və həmrəy şəkildə hərəkət edərək vətəndaşlarını qoruyur.

Makron həmçinin bildirib ki, Avropa İttifaqı yalnız ortaq bazardan ibarət deyil, həm də kənd təsərrüfatı, gənclər, universitetlər, tədqiqat, məşğulluq, mədəniyyət, sərhədlər və təhlükəsizlik kimi bir çox sahədə Avropa vətəndaşlarını dəstəkləyir.

Mesajının sonunda Makron avropalı olmağın qürur mənbəyi olduğunu bildirərək Avropa Gününü təbrik edib.