Azərbaycan News Agency

Fransa Prezidenti Makron qeyd edib ki, ukraynalılar üç ildən çoxdur cəsarətlə müqavimət göstərirlər.

Rusiyanın hücumlarına qarşı cavabın kollektiv olmalı olduğunu vurğulayan Makron deyib: “Bu səfəri Almaniya, Polşa və Böyük Britaniya ilə birlikdə edirik.”

Makron bu səfərlə bağlı 3 mesajı belə açıqladı:

“Birincisi sülh. Ədalətli və davamlı sülh tam və qeyd-şərtsiz atəşkəslə başlayır. Bu, ABŞ ilə birgə verdiyimiz təklifdir. Ukrayna 11 martda bunu qəbul edib. Rusiya isə yubadır, şərtlər irəli sürür, vaxt qazanır və işğal müharibəsini davam etdirir. Moskva mühasirəni davam etdirərsə, biz avropalılar ABŞ ilə sıx koordinasiya içində təzyiqi artıracağıq. Prezident Trampın bu addımı atmağa çağırışını alqışlayırıq.”

“Daha sonra suverenlik. Gələcək sülh sazişi təhlükəsizliyi təmin etməlidir. Parisdə, Londonda və bu gün Kiyevdə keçirdiyimiz görüşlərdə bu məsələ üzərində çalışmışıq. Birlikdə irəliləyirik.”

“Və nəhayət, gələcək. Ukrayna xalqı üçün mübarizə aparır, amma eyni zamanda inandığımız Avropa idealları üçün də mübarizə aparır. Azad, güclü, rifahlı və Avropalı Ukrayna – budur bizim baxışımız.”