Azərbaycan News Agency

Fransa Prezidenti Emmanuel Makron Trapp və La Veryerdə baş verən terror hücumundan sonra ölkənin yas içində olduğunu bildirib. Makron hücumun irqçi xarakter daşımasının Fransa üçün mühüm dönüş nöqtəsi olduğunu ifadə edib.

Makron sosial media hesabında paylaşdığı açıqlamada hücum nəticəsində Penqo Bossio Vanqinin həyatını itirdiyini, beş nəfərin isə ağır yaralandığını bildirib. Prezident Makron yaralılar arasında həyatda qalmaq uğrunda mübarizə aparan azyaşlı qız uşağının da olduğunu qeyd edərək zərərçəkənlərə və onların ailələrinə dəstək, mərhəmət və həmrəylik göstərilməsinin vacibliyini vurğulayıb.

Makron hücumdan sonra bütün zərərçəkənlərə və onların ailələrinə dəstək göstərilməsi çağırışını təkrarlayıb.

Prezident Makron Fransanın birliyinin və ictimai həmrəyliyinin qorunmasının əhəmiyyətini vurğulayaraq ölkənin irqçilik, antisemitizm, din və ya dəri rənginə əsaslanan bütün nifrət və ayrı-seçkilik formaları ilə mübarizə aparacağını bildirib.