Azərbaycan News Agency

Pakistan Xarici İşlər Nazirliyinin açıqlamasına görə, Prezident Rəcəb Tayyib Ərdoğan Regional Dördlük (R4) və R4+ toplantıları çərçivəsində İstanbulda olan xarici işlər nazirlərini qəbul edib.

Açıqlamada Pakistan Baş nazirinin müavini və xarici işlər naziri Məhəmməd İshaq Darın Pakistan Prezidenti Asif Əli Zərdari, Baş nazir Məhəmməd Şahbaz Şərif və Baş Qərargah rəisi feldmarşal Asim Munirin salamlarını Ərdoğana çatdırdığı qeyd olunub.

Darın toplantılara ev sahibliyi etdiyi üçün Türkiyəyə təşəkkür etdiyi və iki ölkə arasındakı dostluq əlaqələri ilə yüksək səviyyəli strateji əməkdaşlığın əhəmiyyətini vurğuladığı bildirilib.

Pakistan Xarici İşlər Nazirliyi görüşdə regional və qlobal hadisələrin müzakirə olunduğunu, tərəflərin dialoqun və diplomatik təmasların davam etdirilməsinin vacibliyini qeyd etdiyini açıqlayıb.