Azərbaycan News Agency

İtaliya Avropa Komissiyasından PNRR çərçivəsində 8-ci tranşı alaraq 12,8 milyard avro məbləğində ödəniş əldə edib.

Bu addımı şərh edən İtaliyanın Baş naziri Corcia Meloni deyib: “PNRR çərçivəsində Avropadakı liderliyimizi təsdiqləyirik.”

Meloni bildirib ki, 8-ci tranşla birlikdə ümumi ayrılan vəsait 153,2 milyard avroya çatıb ki, bu da Avropa üzrə orta göstərici olan 60 faizdən xeyli yüksəkdir və ümuminin 79 faizinə bərabərdir.

Avropa planının 10-cu və son hissəsini başa çatdırmağı planlaşdırdıqlarını deyən Meloni əlavə edib: “Bu planı vətəndaşlar, biznes, iqtisadiyyat və ölkənin beynəlxalq nüfuzu üçün konkret nəticələrə çevirməkdə qətiyyətlə davam edəcəyik.”