Azərbaycan News Agency

Monteneqro Prezidenti Yakov Milatoviç Birləşmiş Millətlər Təşkilatının Baş Assambleyası çərçivəsində ABŞ Prezidenti Donald Trampla görüşdüyünü açıqlayıb.

Milatoviç görüş zamanı Trampı Monteneqroya səfər etməyə və Avropanın ən gözəl körfəzlərindən birinin mənzərəsi fonunda qolf oynamağa dəvət etdiyini bildirib. İyun ayında Monteneqroda Avropa liderlərini qəbul etdiklərini və onların ölkənin gözəlliklərindən məmnunluqlarını ifadə etdiklərini qeyd edən Milatoviç, Trampın səfərinin xüsusi və tarixi məna daşıyacağını bildirib.

Milatoviç Trampın Monteneqroya səfər edən ilk ABŞ Prezidenti olacağını qeyd edərək, bu səfərin ölkənin sahib olduğu dəyərləri nümayiş etdirməklə yanaşı, Monteneqro ilə ABŞ arasındakı dostluğu və strateji tərəfdaşlığı gücləndirmək üçün də fürsət olacağını vurğulayıb.