Azərbaycan News Agency

Moldova Xarici İşlər Nazirliyi Birləşmiş Millətlər Təşkilatı Günü münasibətilə yaydığı açıqlamada BMT Nizamnaməsinin məqsəd və prinsiplərinə sadiqliyini davam etdirdiyini bildirib.

Açıqlamada Moldovanın çoxtərəfli diplomatiya vasitəsilə sülhə və təhlükəsizliyə töhfə vermək, insan hüquqlarını qorumaq, beynəlxalq hüquqa hörməti gücləndirmək və qlobal dayanıqlı inkişaf gündəliyini irəli aparmaq məqsədləri istiqamətində fəaliyyətini davam etdirdiyi qeyd olunub.

Açıqlamada Moldova ilə Birləşmiş Millətlər Təşkilatı arasındakı əməkdaşlığa da diqqət çəkilərək, tərəfdaşlıq çərçivəsində əldə olunan nailiyyətlərin əhəmiyyəti vurğulanıb.