Azərbaycan News Agency

Moldova Xarici İşlər Nazirliyi Müstəqillik Günü ərəfəsindəki gecə ölkənin hava məkanının beş dron tərəfindən pozulduğunu açıqlayıb.

Nazirliyin açıqlamasında Moldova ərazisində daha bir dronun tapıldığı bildirilib. Pozuntuların Rusiyanın Ukraynaya qarşı müharibəsi çərçivəsində həyata keçirilən hücumlar zamanı baş verdiyi qeyd olunub.

Moldova Xarici İşlər Nazirliyi Ukraynadakı müharibənin ölkə üçün yaratdığı təhlükəsizlik risklərinə daha əvvəl də diqqət çəkdiyini bildirərək, son hadisənin Moldova hava məkanının bir daha pozulmasına səbəb olduğunu açıqlayıb.

Açıqlamada baş verənlərin Moldovanın milli təhlükəsizliyini və vətəndaşlarını qorumaq imkanlarını gücləndirməsinin zəruriliyini bir daha ortaya qoyduğu vurğulanıb.