Azərbaycan News Agency

Birləşmiş Millətlər Təşkilatının (BMT) Humanitar Məsələlərin Əlaqələndirilməsi Ofisinin (OCHA) rəhbəri Tom Fletcher Nepalda baş verən şiddətli daşqınlar səbəbindən fövqəladə yardım qruplarının səfərbər edildiyini açıqlayıb.

Fletcher vəziyyətin qiymətləndirilməsinin davam etdiyini və qrupların yeni hadisələrə hazır vəziyyətdə saxlanıldığını bildirərək, Nepal hakimiyyəti və regional tərəfdaşlarla sıx təmasda olduqlarını qeyd edib.

BMT-nin Mərkəzi Fövqəladə Hallara Cavab Fondundan (CERF) ilkin olaraq 2 milyon dollar vəsait ayırdığını açıqlayan Fletcher, bu dəstəyin təcili tibbi yardım, sığınacaq və təmiz su təmin edilməsi vasitəsilə insanların həyatını xilas etməyə yönəlmiş fəaliyyətlərdə istifadə olunacağını bildirib.