Azərbaycan News Agency

Fələstinin xarici işlər və xaricdə yaşayan fələstinlilər üzrə naziri Varsen Aghabekian Şahin Almaniyanın Ramallahdakı nümayəndəsi Anke Şleym ilə görüşüb.

Görüş zamanı Şahin Şleymə Fələstindəki mövcud vəziyyət və qarşılaşılan çətinliklər barədə məlumat verib. Almaniyanın Fələstinə göstərdiyi dəstəyi yüksək qiymətləndirən Şahin qarşıdan gələn Fələstin seçkilərinin keçirilməsi üçün zəruri şəraitin yaradılması istiqamətində siyasi və yerli səviyyədə aparılan işləri də müzakirə edib.

Şleym Almaniyanın Fələstinə müxtəlif sahələrdə dəstəyini davam etdirəcəyini bildirərək ölkəsinin İsrail yaşayış məntəqələrinə və məskunlaşanların zorakılığına qarşı mövqeyini bir daha təsdiqləyib. Tərəflər həmçinin ikitərəfli münasibətlərin inkişaf etdirilməsi, birgə əməkdaşlığın gücləndirilməsi və iki ölkə arasında əlaqə və koordinasiyanın davam etdirilməsi məsələlərini müzakirə ediblər.