Azərbaycan News Agency

Estoniyanın xarici işlər naziri Marqus Tsahkna Türkiyənin Estoniyadakı yeni səfiri Yonca Özçeri ilə görüş keçirib.

Görüşlə bağlı sosial media hesabında açıqlama verən Tsahkna Türkiyə Hərbi Hava Qüvvələrinin Ämari aviabazası vasitəsilə Baltikyanı dövlətlərin müdafiəsinə fəal töhfə verdiyini bildirib.

İki ölkə arasında diplomatik münasibətlərin bərpasının 35-ci ildönümünün ötən həftə qeyd edildiyini xatırladan Tsahkna bu möhkəm təməl üzərində Türkiyə ilə Estoniya arasında dostluğun gücləndirilməsi və əməkdaşlığın dərinləşdirilməsi məsələlərini müzakirə etdiklərini ifadə edib.