Azərbaycan News Agency

Özbəkistanın xarici işlər naziri Bəxtiyar Səidov açıqlamasında BƏƏ-nin xarici işlər naziri Abdullah bin Zayed Al Nəhyan ilə səmərəli telefon danışığı apardıqlarını bildirib. Danışıq zamanı iki ölkə arasında strateji tərəfdaşlığın gücləndirilməsi, ticarət və iqtisadi əlaqələrin inkişaf etdirilməsi, eləcə də birgə investisiya layihələrinin irəlilədilməsi məsələləri nəzərdən keçirilib.

Görüşdə Birləşmiş Millətlər Təşkilatı (BMT) və digər beynəlxalq təşkilatlar çərçivəsində əməkdaşlıq da müzakirə olunub, Yaxın Şərqdəki vəziyyətlə bağlı fikir mübadiləsi aparılıb. Tərəflər problemlərin diplomatik yollarla həllinin və regional sabitliyin qorunmasının vacibliyini vurğulayıblar. Səidov qarşılıqlı etimada əsaslanan ikitərəfli münasibətləri inkişaf etdirmək əzmini bir daha təsdiqləyib.