Azərbaycan News Agency

Netanyahu vətəndaşlara yönəlik rəqəmsal ictimai xidmətlərin inkişafı ilə bağlı xüsusi iclas keçirdi.

İclasda ehtiyatda olan hərbçilərin hüquqlarının təmin edilməsi, biznes lisenziyalaşdırma prosesləri, sosial yardım tətbiqləri, planlaşdırma və tikinti prosedurları, eləcə də tibbi məlumatların idarə olunması kimi sahələr müzakirə olundu. Plan nazirliklər arasında tam məlumat sinxronizasiyasını təmin etməyi və ictimai xidmətləri vətəndaşlara daha sürətli və təhlükəsiz şəkildə çatdırmağı hədəfləyir.

Netanyahu iclas zamanı belə dedi:

“İsrail qlobal texnologiya gücüdür və rəqəmsal inqilab vasitəsilə ictimai xidmətləri vətəndaşlar üçün əlçatan etməkdə də ön sıralarda olmalıdır. Bu proses sürətli, diqqətli və mümkün qədər az tənzimləmə və bürokratiya ilə həyata keçiriləcək.”

Açıqlamada qeyd olundu ki, rəqəmsal transformasiya prosesi ictimai xidmətlərdə səmərəliliyin artırılmasına və vətəndaşların çıxış imkanlarının asanlaşdırılmasına xidmət edir.