Pakistan Azərbaycan xarici işlər nazirinin müavini Məmmədovu qarşılayıb
İslamabad, 15 noyabr (Hibya) – Azərbaycan xarici işlər nazirinin müavini və nümayəndə heyətinin rəhbəri Elçin Məmmədov İqtisadi Əməkdaşlıq Təşkilatının (ECO) Nazirlər Şurasının 30-cu iclasında iştirak etmək üçün Pakistanın paytaxtı İslamabada gəlib. Məmmədov hava limanında Pakistan Xarici İşlər Nazirliyinin rəsmiləri tərəfindən qarşılanıb.
Pakistan Xarici İşlər Nazirliyi Azərbaycan xarici işlər nazirinin müavini Elçin Məmmədovun ölkəyə gəlişi ilə bağlı açıqlama yayıb.
Nazirliyin sosial media hesabında yayımlanan paylaşımda Azərbaycan nümayəndə heyətinə də rəhbərlik edən Məmmədovun İqtisadi Əməkdaşlıq Təşkilatının Nazirlər Şurasının 30-cu iclasında iştirak etmək məqsədilə İslamabada gəldiyi bildirilib.
Paylaşımda Azərbaycan xarici işlər nazirinin müavininin İslamabad Beynəlxalq Hava Limanında Pakistan Xarici İşlər Nazirliyinin rəsmiləri tərəfindən qarşılandığı qeyd olunub.
Azərbaycan İnformasiya Agentliyi