Azərbaycan News Agency

Amerika Birləşmiş Ştatlarının (ABŞ) Prezidenti Donald Tramp Konqresdə Kino, Televiziya və Əyləncə Sektorunun Canlandırılması Qanununa ikipartiyalı dəstəkdən məmnun olduğunu açıqlayıb.

Tramp sosial media hesabında paylaşım edərək, sözügedən qanun layihəsinin Konqresdən “böyük ikipartiyalı reaksiya və dəstək” aldığını bildirib.

ABŞ Prezidenti kino, televiziya və əyləncə sektorunun bir vaxtlar güclü olan strukturunu yenidən canlandırmağı hədəflədiklərini vurğulayaraq deyib: “Bir vaxtlar böyük olan bu sektoru Amerikaya geri qaytaracağıq”.

Tramp məsələyə göstərdikləri marağa görə Konqres üzvlərinə təşəkkür edib.