Azərbaycan News Agency

Pakistan Baş nazirinin müavini və xarici işlər naziri Məhəmməd İshaq Dar ilə Bəhreynin xarici işlər naziri Əbdüllətif bin Rəşid Əl Zəyani Pakistan-Bəhreyn Birgə Nazirlər Komissiyasının üçüncü iclasının protokolunu imzalayıblar.

Pakistan Xarici İşlər Nazirliyinin açıqlamasına görə, Xarici İşlər Nazirliyində keçirilən imzalanma mərasimində imzalanan protokolda ticarət və investisiyalar, kənd təsərrüfatı və ərzaq təhlükəsizliyi, neft, təbii qaz və faydalı qazıntılar, dənizçilik, informasiya texnologiyaları və telekommunikasiya, səhiyyə, təhsil və əmək kimi sahələrdə əməkdaşlığa dair razılaşmalar öz əksini tapıb.

Tərəflər həmçinin ikitərəfli ticarət və investisiyalarla bağlı müntəzəm məsləhətləşmələr, koordinasiya və əməkdaşlıq mexanizminin yaradılması məqsədilə hökumətlərarası səviyyədə Ticarət və İnvestisiyalar üzrə Birgə İşçi Qrupunun təsis edilməsi barədə razılığa gəliblər.