Azərbaycan News Agency

Pakistan Xarici İşlər Nazirliyi bildirib ki, Baş nazirin müavini və xarici işlər naziri, senator Məhəmməd İshaq Dar Pakistanın iqtisadi diplomatiya sahəsində fəaliyyətini qiymətləndirmək məqsədilə keçirilən idarələrarası iclasa sədrlik edib.

Dar beynəlxalq standartlara və öhdəliklərə uyğunluğun gücləndirilməsi də daxil olmaqla, Pakistan iqtisadiyyatının regional və beynəlxalq səviyyədə daha səmərəli tanıdılması üçün işlərin sürətləndirilməsinin vacibliyini vurğulayıb.

Hökumətin dayanıqlı iqtisadi sabitlik hədəfini bir daha vurğulayan Dar aidiyyəti bütün qurumlara bu istiqamətdə fəaliyyətlərini gücləndirməyi tapşırıb.

İclasda Baş nazirin xüsusi köməkçisi Tariq Bajwa, eləcə də Xarici İşlər Nazirliyinin, Nazirlər Kabineti Bölməsinin və aidiyyəti qurumların yüksək vəzifəli nümayəndələri iştirak ediblər.