Azərbaycan News Agency

Pakistanın Baş nazir müavini və xarici işlər naziri Məhəmməd İshaq Dar mülki mükafatların verilməsi üzrə namizədlərin qiymətləndirildiyi iclasa sədrlik edib.

Pakistan Xarici İşlər Nazirliyinin açıqlamasına görə, iclasda mülki mükafatlar üçün təqdim olunmuş namizədlər müzakirə edilib.

Dar bildirib ki, mülki mükafatlar Pakistana görkəmli xidmətlər göstərmiş şəxslərin töhfələrinin qiymətləndirilməsi məqsədilə təqdim olunur.

Mükafatlandırma prosesinin şəffaf, ədalətli və tamamilə ləyaqət prinsipi əsasında aparılmasının vacibliyini vurğulayan Dar qeyd edib ki, ölkəyə dəyərli töhfələr vermiş layiqli şəxslər lazımi şəkildə tanınmalıdır.

İclasda Baş nazirin xüsusi köməkçisi Tariq Bajwa, xarici işlər katibi səfir Amna Baloch, Nazirlər Kabinetinin katibi, həmçinin Xaricdə Yaşayan Pakistanlılar Fondu (OPF) və Xaricdə Yaşayan Pakistanlılar və İnsan Resurslarının İnkişafı Nazirliyinin yüksək vəzifəli rəsmiləri iştirak ediblər.