Azərbaycan News Agency

İsrailin xarici işlər naziri Gideon Saar və Çexiyanın baş nazir müavini, xarici işlər naziri Petr Maçinka Təl-Əvivdə keçirilən İsrail-Çexiya Biznes Forumunun açılışını ediblər.

Forum iki ölkədən 200-dən çox şirkəti və iş dünyasının nümayəndələrini bir araya gətirib.

İsrail Xarici İşlər Nazirliyinin açıqlamasına görə, bu il ikinci dəfə keçirilən İsrail-Çexiya Biznes Forumunun birincisi may ayında Praqada baş tutmuş, nazir Saarın rəhbərlik etdiyi İsrail biznes nümayəndə heyəti ölkə tarixinin ən böyük ticarət missiyası çərçivəsində Çexiyaya səfər etmişdi.

Forum çərçivəsində iki nazir iqtisadi, siyasi və texnoloji sahələrdə əməkdaşlığın daha da dərinləşdirilməsini nəzərdə tutan və biznes forumunun hər il keçirilməsini hədəfləyən birgə bəyannamə imzalayıblar.

İsrail tərəfi həmçinin Çexiyanın Avropada və beynəlxalq platformalarda İsrailə verdiyi dəstəyə görə təşəkkürünü bildirib.