Azərbaycan News Agency

Pakistan Baş nazirinin müavini və xarici işlər naziri, senator Məhəmməd İshaq Darın sədrliyi ilə ölkənin su təhlükəsizliyinə dair məsələlərin müzakirə olunduğu yüksək səviyyəli iclas keçirilib.

İclasda Pakistanın milli su təhlükəsizliyi ilə bağlı hüquqi, diplomatik və texniki məsələlər nəzərdən keçirilib. Müzakirələr zamanı ölkənin su ehtiyatları üzərində suveren hüquqlarının qorunması və milli maraqlarının təmin edilməsi istiqamətində atılacaq addımlar müzakirə olunub.

Baş nazirin müavini və xarici işlər naziri Dar Pakistanın suveren hüquqlarını qorumaq əzmini bir daha təsdiqləyərək milli maraqların irəli aparılması məqsədilə nazirliklər arasında sıx koordinasiyanın təmin edilməsi barədə göstəriş verib.

İclasda su ehtiyatları naziri, informasiya və yayım naziri, aidiyyəti federal nazirliklərin katibləri və yüksək vəzifəli rəsmilər iştirak ediblər.