Azərbaycan News Agency

Pakistan Xarici İşlər Nazirliyinin açıqlamasına görə, Baş nazirin müavini və xarici işlər naziri Məhəmməd İshaq Dar Pakistanın Nyu-Yorkdakı BMT-də daimi nümayəndəsi səfir Asim İftixarı nazirlikdə qəbul edib.

Görüş zamanı səfir Asim Pakistan missiyasının BMT Təhlükəsizlik Şurası başda olmaqla, BMT-nin müxtəlif qurumlarındakı fəaliyyəti barədə nazir Dara ətraflı məlumat verib.

İftixar Cammu və Kəşmir məsələsi ilə yanaşı Fələstin məsələsi də daxil olmaqla, Pakistanın əsas xarici siyasət prioritetlərinin çoxtərəfli platformalarda səmərəli şəkildə gündəmə gətirilməsi istiqamətində görülən işlərə diqqət çəkib.

Baş nazirin müavini və xarici işlər naziri Dar isə BMT-nin və çoxtərəfli institutların qlobal sülhün, təhlükəsizliyin və iqtisadi inkişafın təmin olunmasındakı mühüm rolunu vurğulayıb.