Azərbaycan News Agency

Xorvatiyanın Baş naziri Andrej Plenkovic Mostarda Bosniya və Herseqovina Nazirlər Şurasının sədri Borjana Kristo ilə görüşüb.

Plenkovic görüşlə bağlı sosial media hesabında paylaşdığı açıqlamada Xorvatiya ilə Bosniya və Herseqovina arasındakı münasibətlərin, iqtisadi əməkdaşlığın və müxtəlif sahələrdə birgə fəaliyyətlərin müzakirə edildiyini bildirib.

Plenkovic Bosniya və Herseqovinanın Avropa İttifaqına üzvlük prosesinə dəstəyin də görüşün gündəliyində olduğunu qeyd edərək, ölkəsinin sabit və funksional Bosniya və Herseqovinanın dəstəklənməsi istiqamətində işlərini davam etdirəcəyini bildirib.