Azərbaycan News Agency

Xorvatiyanın Baş naziri Andrey Plenkoviç Dublində keçirilən Avropa Siyasi Birliyinin (ASB) 9-cu Zirvə toplantısında iştirak edib. Plenkoviç zirvə toplantısının Avropa İttifaqını və digər Avropa ölkələrini strateji formatda bir araya gətirdiyini bildirib.

“Güclü, təhlükəsiz və əlaqəli Avropa” şüarı altında keçirilən görüşlərdə rəqabət qabiliyyəti, demokratiya və qitənin təhlükəsizlik arxitekturası müzakirə olunub. Plenkoviç sabah keçiriləcək Avropa Şurasının iclasında süni intellekt, sülh prosesi və Ukraynaya maliyyə dəstəyinin əsas diqqət mərkəzində olacağını qeyd edib.

Zirvə toplantısı çərçivəsində Xorvatiyanın təsisçi üzvlərindən biri olduğu Avropa Narkotiklərlə Mübarizə Koalisiyasının (ECAD) üçüncü iclası keçirilib. Narkotik vasitələrin qanunsuz dövriyyəsinə qarşı mübarizədə əməkdaşlığın gücləndirildiyini bildirən Plenkoviç liman təhlükəsizliyinin təmin edilməsi, dəniz yolu ilə qaçaqmalçılıq, qanunsuz maliyyə axınları və sintetik narkotiklərin istehsalı ilə mübarizənin davam etdiyini vurğulayıb.