Azərbaycan News Agency

Xorvatiyanın Baş naziri Andrey Plenkoviç ölkə iqtisadiyyatının 2026-cı ilin ikinci rübündə ötən ilin eyni dövrü ilə müqayisədə 1,7 faiz böyüdüyünü açıqlayıb.

Qlobal şəraitdəki dəyişikliklərə və enerji qiymətlərinin artmasına baxmayaraq, iqtisadiyyatın 2021-ci ilin əvvəlindən fasiləsiz böyüdüyünü bildirən Plenkoviç, “İllik artım tempi yavaşlasa da, Ümumi Daxili Məhsulun bütün əsas komponentlərində müsbət nəticələr müşahidə olunur”, - deyib.

Dövlət istehlakı, investisiyalar, eləcə də mal və xidmət ixracının artıma töhfə verdiyini bildirən Plenkoviç iyun ayında orta xalis əməkhaqqının 1 555 avro olduğunu qeyd edib. Plenkoviç hökumətin səlahiyyət müddətinin sonunadək orta əməkhaqqını 1 600 avroya çatdırmaq hədəfinə yaxınlaşdıqlarını bildirib.