Azərbaycan News Agency

Belçikanın xarici işlər naziri Maksim Prevo husilərin Səudiyyə Ərəbistanına qarşı son hücumları ilə bağlı açıqlama verib.

Prevo Belçikanın Səudiyyə Ərəbistanı ilə həmrəy olduğunu vurğulayaraq deyib: “Səudiyyə Ərəbistanının suverenliyinə və mülki infrastrukturuna qarşı bu qəbuledilməz hücumları qətiyyətlə pisləyirəm”.

Hücumlarda həlak olanların ailələrinə və yaralılara müraciət edən Prevo bildirib: “Düşüncələrim milliyyətindən asılı olmayaraq həyatını itirən bütün şəxslərin ailələri və yaralananlarla birlikdədir”.

Prevo Yəməndəki vəziyyətin də ağır humanitar böhrana səbəb olduğunu qeyd edərək yenidən başlayan döyüşlər nəticəsində 200 mindən çox insanın öz yaşayış yerindən didərgin düşdüyünü bildirib.

Prevo deyib: “Bu hücumlar dayandırılmalıdır. Mülki şəxslər harada olmalarından asılı olmayaraq qorunmalıdır. Regionun təcili olaraq gərginliyin azaldılmasına, humanitar yardıma və diplomatiyaya qayıdışa ehtiyacı var”.