Azərbaycan News Agency

Belçikanın Baş nazirinin müavini və xarici işlər naziri Maksim Prevot hücumlar nəticəsində baş verən insan itkilərinə və dağıntılara diqqət çəkərək Belçikanın Ukrayna və Latviya ilə həmrəy olduğunu vurğulayıb.

Rusiyanın bombardmanları barədə məlumat verən Prevot bildirib: "Dünən raketlər və idarəolunan bombalar yenidən bir çox bölgəni vurdu. Kiyev və Slovyansk bölgələrində on bir nəfər həyatını itirdi, onlarla insan yaralandı."

Hücumların şiddətinə toxunan Prevot deyib: "Bu, Kiyevin bu müharibə dövründə ən ağır ballistik raket bombardmanına məruz qalmasından cəmi bir neçə gün sonra baş verdi. Buna alışmağımıza imkan verə bilmərik."

Prevot konsulluq binasının da zərər gördüyünü qeyd edərək bildirib: "Slovyanskda Latviyanın Fəxri Konsulluğunun yerləşdiyi bina da zədələnib. Latıviyalı dostlarımızla həmrəyik."

Bəyanatını başsağlığı və dəstək mesajı ilə yekunlaşdıran Prevot deyib: "Yaxınlarını itirən və yaralılardan xəbər gözləyən hər kəsin yanındayıq. Belçikanın Ukraynaya dəstəyi sarsılmazdır."