Azərbaycan News Agency

BMT-nin Baş katibi Antonio Quterreş Qırmızı dənizdə baş verən son hadisələrlə bağlı bəyanat verərək dəniz naviqasiyasına qarşı təhdidlərin yenidən ortaya çıxmasından narahat olduğunu vurğulayıb.

Regiondakı təhlükəsizlik vəziyyətinə toxunan Quterreş bildirib: "Qırmızı dənizdə husilərin ticarət gəmilərinə hücumlarının yenidən başlamasından və dəniz naviqasiyasına qarşı təhdidlərin bərpa olunmasından dərin narahatam."

Mümkün qarşıdurmaların genişmiqyaslı nəticələrinə diqqət çəkən Quterreş deyib: "Yəməndə daha çox düşmənçilik sülh ümidlərini sarsıdacaq və regionda, eləcə də ondan kənarda ciddi iqtisadi, humanitar və ekoloji nəticələrə səbəb olacaq."

Quterreş bəyanatını belə yekunlaşdırıb: "Dərhal gərginliyin azaldılmasına çağırıram və husiləri yeni hücumlardan və ya digər eskalasiyaedici addımlardan çəkinməyə çağırıram."