Azərbaycan News Agency

Avropa Parlamenti (AP) Prezidenti Roberta Metsola Strasburqda Avropa Parlamentində Birləşmiş Ərəb Əmirliklərinin (BƏƏ) Federal Milli Şurasının sədri Səqr Qobash ilə görüş keçirib.

Metsola görüşlə bağlı açıqlamasında İranın hücumlarından sonra Birləşmiş Ərəb Əmirliklərinin qarşılaşdığı təhlükəsizlik çətinlikləri çərçivəsində həmrəylik mesajı verdiklərini bildirərək, “Birləşmiş Ərəb Əmirlikləri ilə tam həmrəyliyimizi ifadə etdim və bölgədə davamlı sülh və sabitliyə sadiqliyimizi bir daha təsdiqlədik” ifadələrini işlədib.

Həmçinin bildirilib ki, Avropa İttifaqı (Aİ) – Birləşmiş Ərəb Əmirlikləri (BƏƏ) Parlamentlərarası Görüşü çərçivəsində tərəflər arasında tərəfdaşlığın gücləndirilməsi, azad ticarətin inkişaf etdirilməsi və parlament əməkdaşlığının dərinləşdirilməsi məsələləri müzakirə olunub.