Azərbaycan News Agency

Rusiya Federasiyası Prezident Administrasiyasının açıqlamasına görə, Rusiya Prezidenti Vladimir Putin Kremldə rəsmi səfərlə Rusiyada olan Birləşmiş Ərəb Əmirliklərinin Prezidenti Məhəmməd bin Zayed Əl Nəhyan ilə görüş keçirib.

Böyük Kremlin Sarayının Müqəddəs Georgi zalında təşkil olunan rəsmi qarşılama mərasimindən sonra danışıqlar əvvəlcə nümayəndə heyətlərinin iştirakı ilə geniş formatda, daha sonra isə rəsmi səhər yeməyi çərçivəsində təkbətək davam edib.

Putin çıxışında bildirib: “Sizi Moskvada görməkdən məmnunam. Bu il ölkələrimiz arasında diplomatik münasibətlərin qurulmasının 55-ci ildönümünü qeyd edəcəyik. Rusiya-BƏƏ strateji tərəfdaşlığının çoxşaxəli, qarşılıqlı faydalı və dinamik inkişaf edən bütün sahələrinə verdiyiniz mühüm şəxsi töhfəni yüksək qiymətləndiririk.”