Azərbaycan News Agency

Qətər Birləşmiş Millətlər Təşkilatı Baş Assambleyasının 81-ci sessiyası çərçivəsində təşkil olunan Durban Bəyannaməsi və Fəaliyyət Proqramının qəbul edilməsinin 25-ci ildönümünə həsr edilmiş toplantıda iştirak edib.

Ölkəni Qətər Xarici İşlər Nazirliyinin Beynəlxalq Təşkilatlar Departamentinin direktoru Sheikha Hanouf bint Abdulrahman Al-Thani-nin təmsil etdiyi toplantıda Qətərin Durban Bəyannaməsi və Fəaliyyət Proqramına tam dəstəyi bir daha təsdiqlənib.

Toplantıda insan hüquqları, bərabərlik və ayrı-seçkiliyin qarşısının alınmasına sadiqliyin gücləndirilməsinin, eləcə də tolerantlıq, birgəyaşayış və mədəni müxtəlifliyə hörmət dəyərlərinin möhkəmləndirilməsinin əhəmiyyəti vurğulanıb.

Qətərin ayrı-seçkiliklə mübarizə və inklüzivliyin artırılması istiqamətində milli və beynəlxalq fəaliyyətlərini davam etdirəcəyi bildirilib, bununla bağlı müvafiq təşəbbüslər və qanunvericilik tədbirləri diqqətə çatdırılıb. Həmçinin Qətərin 2025-ci ildə Dohada İkinci Dünya Sosial İnkişaf Sammitinə ev sahibliyi etdiyi və bərabərsizlik və təcrid problemlərinin həllinə yönələn beynəlxalq səylərə töhfə verdiyi qeyd olunub.

Qətərin Durban Bəyannaməsi və Fəaliyyət Proqramının tam və effektiv şəkildə həyata keçirilməsinə yönələn beynəlxalq səyləri dəstəkləməyə davam edəcəyi bildirilib.