Azərbaycan News Agency

Qətərin Xarici İşlər Nazirliyi İranın İordaniya, Bəhreyn və Küveyt ərazilərinə yenidən həyata keçirdiyi hücumları ən sərt şəkildə pislədiyini bəyan edib.

Nazirlik bildirib ki, bu hücumlar hədəf alınan ölkələrin suverenliyi və ərazi bütövlüyünün açıq şəkildə pozulması olmaqla yanaşı, beynəlxalq hüquqa və BMT Nizamnaməsinə ziddir.

Bəyanatda Küveytdə elektrik və dəniz suyunun duzsuzlaşdırılması obyektlərinin hədəfə alınmasının qəbuledilməz olduğu və bunun BMT Təhlükəsizlik Şurasının 2817 saylı qətnaməsinin pozulması olduğu vurğulanıb.

Qətərin Xarici İşlər Nazirliyi hücumların regionda gərginliyi artırdığını bildirərək, təhlükəsizlik və sabitliyi təhdid edən bütün hərbi əməliyyatların dərhal dayandırılmasına, dialoqa qayıdılmasına və diplomatik təşəbbüslərlə əldə olunmuş razılaşmalara əməl edilməsinə çağırıb.