Azərbaycan News Agency

Rusiyanın xarici işlər naziri Sergey Lavrov Qananın xarici işlər naziri Samuel Okudzeto Ablakva ilə bir araya gəlib.

Rusiya Xarici İşlər Nazirliyinin açıqlamasına görə, görüşdə iki ölkə arasında əməkdaşlığın mövcud vəziyyəti müzakirə olunub.

Lavrov Ablakvanın Qananın xarici işlər naziri kimi Rusiyaya ilk səfəri olduğunu bildirərək, iki ölkə arasında münasibətlərin davam etdirilməsi üçün birgə fəaliyyətin vacibliyini vurğulayıb.

Sənəd imzalayacaqlarını bildirən Lavrov deyib: “Həmçinin mühüm bir sənəd imzalayacağıq. Diplomatik və xidməti pasport sahibləri üçün vizasız səfər haqqında saziş.”