Azərbaycan News Agency

İsrailin xarici işlər naziri Gideon Saar Taybeh bölgəsində israilli qrupların diplomatik nümayəndələrə qarşı törətdiyi zorakılıq hadisələrini qətiyyətlə pislədiyini bildirib.

Saar hadisə ilə bağlı polis araşdırmasının başladıldığını və Yəhudeya və Samariya bölgəsindən məhkəmə-tibbi ekspertiza qruplarının sübut toplamaq üçün hadisə yerinə getdiyini qeyd edib. O, hücum edən şəxslərin müəyyənləşdirilərək ədalət qarşısına çıxarılması məqsədilə Xarici İşlər Nazirliyinin aidiyyəti ölkələrin səfirləri ilə əlaqə saxladığını bildirib.

Hadisənin ciddiliyinə diqqət çəkən Saar diplomatik səfərin əvvəlcədən İsrail ordusu ilə razılaşdırılmamasından təəssüfləndiyini ifadə edib və belə koordinasiyanın ziyarətçilərin təhlükəsizliyinin təmin olunmasına kömək edə biləcəyini vurğulayıb.