Azərbaycan News Agency

Pakistanın Baş naziri Şahbaz Şərif Pişəvərin Dir Koloni bölgəsində özəl məktəbin damının çökməsi nəticəsində həyatını itirən uşaqlar və müəllimlə əlaqədar başsağlığı mesajı yayımlayıb.

Həlak olanların ailələrinə başsağlığı verən Şərif yaralanan uşaqlara və digər şəxslərə ən yaxşı tibbi xidmətin göstərilməsi, zərər çəkmiş ailələrə isə lazımi dəstəyin təmin olunması barədə göstəriş verdiyini bildirib.

Şərif Xeybər Paxtunxva vilayətinin qubernatoru Feysəl Kərim Kundi ilə danışdığını və hadisə ilə bağlı ətraflı hesabat istədiyini açıqlayıb. Pakistanın Baş naziri həmçinin hadisənin bütün aspektləri araşdırıldıqdan sonra məsul şəxslər barəsində qanun çərçivəsində tədbir görülməsi barədə göstəriş verdiyini qeyd edib.