Azərbaycan News Agency

Özbəkistanın xarici işlər naziri Baxtiyor Saidov Azərbaycan Respublikasının xarici işlər naziri Ceyhun Bayramov ilə görüşüb.

Müzakirə olunan məsələlər barədə danışan Saidov bildirib: “Görüş zamanı xalqlarımızı birləşdirən ortaq tarix, dil və dəyərlər əsasında dostluq, qarşılıqlı hörmət və etimad bağlarının davamlı şəkildə möhkəmləndirilməsinin vacibliyini vurğuladıq.”

O əlavə edib: “İkitərəfli gündəliyin prioritet sahələrini müzakirə edərkən Azərbaycan və Özbəkistan arasında strateji tərəfdaşlığın və müttəfiqlik münasibətlərinin daha da inkişafına fokuslandıq.”

Həmçinin qeyd edib: “Ticarət, nəqliyyat və logistika, enerji, mədəniyyət və humanitar sahələrdə əməkdaşlığı daha da dərinləşdirmək üçün mövcud imkanlardan səmərəli istifadə etmək barədə razılığa gəldik.”