Azərbaycan News Agency

Özbəkistanın xarici işlər naziri Baxtiyor Saidov bildirib ki, ABŞ-ın Cənubi və Mərkəzi Asiya məsələləri üzrə dövlət katibinin müavini Samir Pol Kapur ilə səmərəli görüş keçirib.

Saidov məmnunluqla qeyd edib ki, son illərdə Özbəkistan ilə Amerika Birləşmiş Ştatları arasında strateji tərəfdaşlıq tamamilə yeni səviyyəyə yüksəlib və iki ölkənin liderləri arasında yaxın dialoq mövcud əməkdaşlığa yeni təkan verib.

Görüşün təfərrüatlarına toxunan Saidov bildirib: "Görüşümüz zamanı ikitərəfli münasibətlərin daha da dərinləşdirilməsi və müxtəlif səviyyələrdə keçiriləcək qarşıdakı tədbirlərə hərtərəfli hazırlıq məsələlərini ətraflı müzakirə etdik."