Azərbaycan News Agency

Pakistanın Baş naziri Şahbaz Şərif bəyanatında Prezident Rəcəb Tayyib Ərdoğan və Səudiyyə Ərəbistanının vəliəhdi Məhəmməd bin Salman ilə birlikdə Məkkə Birgə Müdafiə Sazişini imzalamaqdan qürur duyduğunu bildirib.

Şərif qeyd edib ki, üç qardaş ölkə iman, dostluq, sülh və təhlükəsizlik məqsədləri ətrafında birləşib. O, Hərəmeynin kölgəsində imzalanan sazişin gələcək nəsillər üçün sülh qalxanı olmasını və üç ölkə ilə yanaşı İslam dünyasına da rifah gətirməsini arzulayıb.

Bəyanatında Pakistan Quru Qoşunlarının komandanı feldmarşal Seyid Asim Munirə də təşəkkür edən Şərif, sazişin həyata keçirilməsində göstərdiyi səyləri və töhfələrini yüksək qiymətləndirdiyini bildirib.