Azərbaycan News Agency

Pakistanın Baş naziri Şahbaz Şərif Bişkekdə keçirilən Şanxay Əməkdaşlıq Təşkilatının Zirvə toplantısı çərçivəsində Belarus Prezidenti Aleksandr Lukaşenko ilə görüşüb.

Şərif görüş zamanı Pakistan ilə Belarus arasındakı münasibətlərin müsbət inkişafından məmnunluq ifadə etdiklərini bildirərək, siyasi, ticarət, iqtisadi, müdafiə və mədəni sahələrdə əməkdaşlığın daha da inkişaf etdirilməsi yollarını müzakirə etdiklərini qeyd edib.

Şərif iki ölkə arasındakı əməkdaşlıqda ticarət, sənaye, kənd təsərrüfatı, informasiya texnologiyaları və peşə təhsilinə üstünlük verilməsi barədə razılığa gəldiklərini bildirib. O, Pakistanın Şanxay Əməkdaşlıq Təşkilatının Dövlət Başçıları Şurasına sədrliyi öz üzərinə götürməsi ilə əlaqədar Lukaşenkonu gələn il Pakistana səfərə dəvət etdiyini deyib.

Şərif Pakistan ilə Belarus arasında uzun illərdir davam edən dostluq münasibətlərini daha yüksək səviyyəyə qaldırmaq əzmlərinin davam etdiyini bildirib.