Azərbaycan News Agency

Macarıstanın Xarici İşlər və Ticarət naziri Siyarto Ukraynanın ölkədəki seçkilərə müdaxilə etməyə çalışdığını iddia edərək, Ukraynanın Budapeştdəki səfirinin Xarici İşlər Nazirliyinə çağırıldığını bildirib.

Siyarto Ukraynanın Tisa Partiyasının xeyrinə seçki nəticələrinə təsir göstərməyə cəhd etdiyini iddia edərək, buna qətiyyən dözülməyəcəyini vurğuladı.

Na­zir Siyarto məsələ ilə bağlı açıqlamasında belə dedi:

“Bu gün Ukraynanın Budapeştdəki səfirini Xarici İşlər Nazirliyinə çağırdıq. Ukraynanın Macarıstandakı seçkilərin nəticəsinə təsir göstərməsinə və Tisa Partiyasının xeyrinə seçki prosesinə müdaxilə etməsinə icazə verməyəcəyik.”

Siyarto son həftələrdə Ukrayna Prezidenti və Ukrayna hökumətinin açıq, ehtiyatsız və aqressiv müdaxilə kampaniyası apardığını iddia edərək, bu cəhdlərin Macarıstanın daxili işlərinə birbaşa müdaxilə anlamına gəldiyini bildirdi.

Siyarto açıqlamasını belə davam etdirdi:

“Macarıstanın gələcəyinə yalnız macar xalqı qərar verir. Bu qərar nə Brüsseldə, nə də Kiyevdə qəbul olunur. Suverenliyimizi bütün vasitələrlə qoruyacağıq.”