Azərbaycan News Agency

İtaliyanın xarici işlər naziri Antonio Tacani təhlükəsizlik qüvvələri, mağaza sahibləri, vandalizm aktları və cinayət xarakterli hücumlardan zərər çəkən vətəndaşlarla həmrəy olduqlarını bildirib.

Tacani sosial media hesabında paylaşdığı açıqlamada Milanda çox sayda mağazanın bağlı qaldığını qeyd edərək hökumətin dövlətə qarşı hücumlara sərt cavab verəcəyini ifadə edib.

Zorakılıq hadisələrində yetkinlik yaşına çatmayanların iştirakının qarşısını almaq üçün tədbirlərin də həyata keçiriləcəyini bildirən Tacani şəhərlərin təhlükəsizliyini təmin etmək üçün çalışan təhlükəsizlik qüvvələrinə və hərbçilərə təşəkkür edib.

Tacani ictimai asayişin qorunması məqsədilə əraziyə cəlb ediləcək resursların artırılması istiqamətində qətiyyətli olduqlarını da vurğulayıb.