Azərbaycan News Agency

İtaliyanın Baş nazirinin müavini və xarici işlər naziri Antonio Tajani Bosniya və Herseqovinada baş verən hadisə ilə bağlı açıqlama verib.

Tajani baş verən hadisədən dərin kədər hissi keçirdiyini bildirərək, həyatını itirənlərin ailələrinə başsağlığı verib və yaralılara tezliklə şəfa diləyib.

İtaliyanın Sarayevodakı səfirinin hadisənin baş verdiyi Brçko şəhərinə yola düşdüyünü bildirən Tajani Xarici İşlər Nazirliyinin bütün zəruri dəstəyi göstərəcəyini vurğulayıb.

Tajani xidməti vəzifələrini yerinə yetirərkən həyatını itirən və yaralanan italiyalı heyət üzvləri üçün dua etdiyini bildirib.