Azərbaycan News Agency

İtaliyanın Baş nazir müavini və xarici işlər naziri Antonio Tajani Rusiyanın həyata keçirdiyi hücumlara, konsulluq binasına dəyən zərərə və vurulan pilotsuz uçuş aparatına diqqət çəkərək həmkarları ilə həmrəylik içində olduqlarını bildirib.

Hücumları pisləyən Tajani deyib: "Bu gün yenidən Ukraynanı hədəf alan, ölüm və yaralanmalara səbəb olan, həmçinin Latviyanın Slovyanskdakı Fəxri Konsulluğunun binasını dağıdan yeni Rusiya hücumlarını qətiyyətlə pisləyirəm."

Hava məkanının pozulması və həyata keçirilən qarşısının alınması əməliyyatına toxunan Tajani bildirib: "NATO-nun hava patrulu missiyasında iştirak edən İtaliya Eurofighter təyyarələrinin koordinasiyası ilə Rumıniya Silahlı Qüvvələri tərəfindən ələ keçirilərək vurulan Rusiya pilotsuz uçuş aparatının Ukrayna hava məkanını ciddi şəkildə pozmasını da qətiyyətlə pisləyirəm."

Tajani bəyanatını həmrəylik və qətiyyət mesajı ilə tamamlayaraq deyib: "Nazir həmkarlarım Andrii Sybiha, Baiba Braze və Oana Toiu ilə tam həmrəy olduğumu bildirirəm. İtaliya Avropa hava məkanının təhlükəsizliyini və qitənin sabitliyini qorumaq üçün qətiyyətlə öz üzərinə düşəni etməyə davam edəcək."